Peis d'hos

Presentación

Peis d’hos é a forma que adopta no Morrazo a expresión peixe de hoxe, en alusión ao peixe do día capturado en baixura con aparello ou outras artes de pesca similares.
A finais do ano 2013 nace en Cangas unha asociación cultural con esta denominación para dar cobertura a unha escola de música e baile tradicional galego. Forman parte dela os grupos Trébede, Lina e Lola, As Mosas do Hío e O Viveiro de Peis d’hos.

O fin principal desta asociación é formar neste eido aos veciños desta comarca mariñeira. Esta ensinanza parte da investigación, análise e estudo dos traballos de campo levados a cabo por toda a xeografía galega.
Outro dos obxectivos arredor dos que traballa esta asociación é converter a música e o baile tradicional e a súa práctica en algo cotián, nunha actividade habitual, nun xeito de divertimento para a sociedade como foi nalgún tempo (pero enmarcado no contexto actual) e, sobre todo, sen que sexa visto como unha rareza empregada tan só por uns poucos. Sen dúbida, unha clara e arriscada aposta pola cultura do país.

¿Por que peis d’hos?
Por un lado podemos interpretar que fai referencia aos rapaces novos que teñen cabida nesta escola e, polo tanto, nesta asociación; ou non tan novos en idade pero si formados na actualidade, polo que se poden considerar debutantes neste ámbito.
Por outra banda, tamén podería referirse aos mestres que lideran e dirixen este proxecto, rapaces novos con dilatada experiencia no mundo da música e o baile tradicional pero que ata o de agora nunca se embarcaran sós nun proxecto destas características.

Mestres

Miguel Sotelo

Imagen:

Descripción:
Miguel Sotelo é bailador e mestre de baile tradicional.
Realizou o curso "Bailas? Didáctica da danza tradicional galega" na Universidade de Santiago de Compostela e os cursos "Antropoloxía social e cultural de Galicia: etnografía, patrimonio inmaterial e etnoarqueoloxía. Unha viaxe antropolóxica pola cultura e sociedade tradicional galega." e "Mitología, creencias, rituales y manifestaciones festivas de la cultura tradicional gallega. Un acercamiento antropológico al patrimonio inmaterial de Galicia.", ambos na UNED en Pontevedra.
Dirixe os grupos Trébede, Retrouso de Cela e Moañesa de Música e Danza e imparte clases de baile na asociación cultural Peis d'hos, O Arco de Vilanova, no CEIP do Hío e no CEIP do Castrillón. Ademais, imparte cursos de baile en diversas asociacións e Centros Galegos en colaboración coa Seceretaría Xeral de Emigración da Xunta de Galicia.
No apartado musical, imparte clases de pandeireta e canto tradicional na A.C. Peis d'hos.
Cómpre destacar a súa participación como bailarín na película “La Jota” de Carlos Saura e a dirección artística da curtametraxe “Irei a Darbo”.
Formou parte do Projecto ['trepia], do grupo de pandereteiros O Tear de Llerena e das compañías de danza GS21, Circio e Quique Peón Cía. Tamén pasa pola A.C. Lembranzas da Ría, onde se inicia como bailador e músico, e pola A.C.F. O Fiadeiro.
Participou en calidade de xurado en varios concursos de baile tradicional galego. Así mesmo, concursou en diversos certames de baile tradicional, danza e música, acadando unha morea de premios entre os que cabe destacar o segundo premio nacional obtido no XXI Certame de coreografía de danza española y flamenco 2013 realizado en Madrid.
Nébeda Piñeiro

Imagen:

Descripción:
Nébeda Piñeiro é pandereteira e mestra de pandeireta e canto tradicional.
É integrante das pandereteiras de Cantigas e Agarimos.
Na actualidade dirixe a Lina e Lola, as escolas de pandeireta do CEIP do Hío e do CEIP de San Roque, ambas en Cangas, o grupo C e E de Cantigas e Agarimos e imparte clases de pandeireta e canto tradicional nas asociacións culturais Peis d'hos, Lembranzas da Ría e Moañesa de Música e Danza, no Club de Xubilados de Moaña e no Espacio +60 de A Fundación en Pontevedra.
Ademais, foi socia fundadora e compoñente do grupo Traspés.
Diego Pintos

Imagen:

Descripción:
Diego Pintos é monitor de ocio e tempo libre, con ampla experiencia en coordinación de actividades en campamentos infantís e xuvenís.
No eido artístico ten participado como videocreador nos espectáculos escénicos do Projecto ['trepia] e A Máquina de Meter Medo. Os seus traballos teñen sido premiados en certames como o Xuventude Crea en distintas edicións.
Marina Vigo

Imagen:

Descripción:
Marina F. Vigo posúe o Título Superior en Interpretación, na especialidade Instrumentos da Música Tradicional e Popular de Galicia (CSM de Vigo) e o título de Técnica das Ensinanzas Profesionais de Música - Gaita (CMUS de Vigo), Mestrado Universitario de Teatro e Artes Escénicas, e Mestrado Universitario en Formación do Profesorado (ambos pola Universidade de Vigo). Tamén realizou os estudos completos de gaita na na E-Trad (Escola de Música Tradicional e Folk de Vigo).
Imparte clases no Conservatorio Profesional de Vilagarcía de Arousa, na A.C. Peis d'hos, na A.F.C. Apedradeaugas, na A.C. Xirandela (Madrid) e realiza substitucións no itinerario de gaita da E-Trad de Vigo. É directora da banda de gaitas e percusión María Soliña. Tamén imparte clases de Linguaxe Musical e ten organizado aulas extraescolares de música no CEIP Mestres Goldar.
Na actualidade é integrante de Sondeseu, Trébede, Maraghotas e Arghaço, onde ademais de gaiteira é compositora e arranxista. Foi compoñente dos grupos Ludovaina e Áureas, como percusionista e gaiteira, e realizando arranxos para este último. Ademais, colaborou con diferentes agrupacións como Lagharteiras, Beatriz Martínez Quinteto, B-Flecha, Banda de Música de Castrelo de Miño… e ten participado como intérprete nas gravacións dos discos "Danzas Brancas" e "Beiralúa" da Orquestra Folk de Galicia Sondeseu, nas gravacións de repertorio histórico dos cuartetos Veiga e Pacheco (2016), no libro-cd "Colleita propia" de Pablo Fdez. Rial e no disco "ExNovo" de B-Flecha.
Ten partipado e acadado premios en concursos de música tradicional por todo o país como gaiteira solista, tamborileira e tamén en cuarteto. Cómpre sinalar entre os premios obtidos como gaiteira, dous 2º premios con Arghaço e un 3º e 4º premio con Maraghotas no Concurso de Gaitas de Ponteareas e un 3º no XXIV Concurso de Música Tradicional Xacarandaina; e como percusionista un 1º premio no Concurso de Música Tradicional de Luou, 2º premio no XLV Concurso de Gaitas de Ponteareas e un 2º premio no XXVI Concurso de Música Tradicional Xacarandaina; e acompañando á gaiteira solista Xiana Teixeiro obtén un 1º premio no XXVI Concurso de Música Tradicional Xacarandaina, 2º premio no concurso de Xoves Gaiteiros de O Grove e 3º premio no Concurso de Gaiteiros Solistas de Tui; e. Destaca, ademais, o Premio Martín Códax da Música Galega obtido co conxunto Áureas en 2017.
Jorge Juncal

Imagen:

Descripción:
Formado como acordeonista da man do mestre Eugenio Juncal.
Tamén traballa como músico multiintrumentista, compositor e productor musical.
Conta cunha ampla traxectoria profesional, tocando dende hai máis de 20 anos cos grupos Beladona, Anubía, Macfeck, Faltriqueira, Magin Blanco, Anxo Lorenzo ou o seu proxecto persoal Fantasía coas palabras xunto con María Faltri.
Alba Portas

Imagen:

Descripción:
Alba Portas é pandereteira e mestra de pandeireta e canto tradicional.
É integrante e fundadora do grupo de pandereteiras Lina e Lola.
Imparte clases de pandeireta e canto tradicional nas asociacións culturais Peis d'hos e no CEIP do Hío.
Formada dende moi nova no Carnaval do Hío e demáis festas do país, asistiu a clases de pandeireta e canto tradicional no CEIP do Hío, na asociación O Arco de Vilanova, na Banda de Gaitas Mazaroca, en Leixoada e Lembranzas da Ría.
Participou dun curso de canto e técnica vocal con Xela Conde e, ademáis, asiste a clases de requinta, de gaita e de baile tradicional galego.
Con Lina e Lola, ten participado e acadado numerosos premios en concursos de percusión e canto tradicional. Cabe destacar o 1º premio na categoría C do VII Concurso de percusión e canto tradicional organizado por Traspés en Vigo no 2020.
Anxo Otero

Imagen:

Descripción:
Anxo Otero é percusionista e mestre de percusión tradicional.
Iníciase no mundo da percusión na Banda de Gaitas Mazaroca do Hío, na que recibe formación durante oito anos. Amplía esta aprendizaxe asisitindo a clases na A.C. Lembranzas da Ría durante outros catro anos e, posteriormente, continúa aprendendo pola súa conta, de xeito autodidacta. Actualmente amplía a súa formación con clases de batería, timbales, láminas e percusión corporal.
Participa como percusionista no Carnaval do Hío, escola de tantas e tantos músicos. Ademáis, forma parte da agrupación Ameaça de bombo, coa cal participa no espectáculo "Cangas 1617: A Defensa da Vila - María Soliña" e é colaborador habitual do grupo de gaitas Lumieiras.
María Move

Imagen:

Descripción:
María Move é creadora, cantante, bailarina e intérprete.
Compositora e voz para espectáculos escénicos: Contiguo (Cía. IO, 2014), AIREnoAR 2015, Ulises e a Nena durmida (Cía.Anxela Blanco, 2016), Puk e Nuk (Cía Elias Aguirre, 2018), Toda a Beleza do Mundo, 2018, 4.0 (Cia. Sue Moreno 2018), Médula (Cía Exire, 2020), IKIGAI (Cía. SU.MA, 2020), HOME (Cía. Hegwig Dances, 2021).
Co-fundadora xunto a Alvaro Reboredo de Cía. AIREnoAR (2014-2017).
En xullo de 2017 presenta o seu trabllo: Toda a Beleza do Mundo. Solo de danza, movemento e voz, dirixido pola bailarina e coreógrafa Nuria Sotelo, codirixido por María Move e revisado por Beatriz Pérez.
En xullo de 2018, presenta MUUM máis Danza, un proxecto multidisciplinar de música en directo e trío de danza, que nace da actuación para os Premios da Cultura Galega 2017 (12 de diciembre 2017) xunto a Manuel Fonte (guitarra y percusión), Nuria Sotelo y Cris Vilariño (Danza), Maria Move (danza y voz). Actuaciones Festival CreaVigo, Rúa Excenica Oleiros.
En xuño de 2020, estrea IKIGAI, xunto a Sue Moreno (Cía SU.MA.- Sue Moreno e Maria Move), espectáculo familiar de Novo circo-Teatro Físico-bel canto-Clown, dirixido por Gonçalo Guerreiro (Cía. Elefante Elegante), que recibe o premio do público en FestaClown 2020, Vilagarcía e xira con más de 10 actuacións na comunidade galega.
Amanda Otero

Imagen:

Descripción:
Amanda Otero é pandereteira, bailadora, educadora e mestra de educación infantil.
Está graduada en Educación infantil pola Universidade de Vigo con mestrado en Innovación e investigación de didácticas específicas para E.I. e E.P. A maiores, tamén posúe o curso de Monitora de Ocio e Tempo Libre.
Leva a cabo animacións infantís en celebracións e ludotecas públicas e privadas.
Foi membro do grupo de pandereteiras Trébede. Na actualidade é pandereteira en Peis d'hos.
Mónica Gutiérrez

Imagen:

Descripción:
Mónica Gutiérrez é bailadora e pandereteira.
Forma parte dos grupos de baile Trébede e O Viveiro de Peis d’hos. Ademais, é integrante e fundadora do grupo de pandereteiras As Mosas do Hío e compoñente de Lina e Lola.
Iníciase no canto tradicional sendo pequena na asociación O Arco de Vilanova. Asiste a clases de pandeireta no CEIP O Hío e foi compoñente do grupo Soavela. Máis tarde prosigue a súa formación na A.C. Peis d’hos, onde actualmente asiste a clases de baile, canto e pandeireta e acordeón.
Con As Mosas do Hío e Lina e Lola, ten participado e acadado numerosos premios en concursos de percusión e canto tradicional.
Saínza Piñeiro

Imagen:

Descripción:
Saínza Piñeiro é pandereteira e bailadora.
É integrante e fundadora do grupo de pandereteiras As Mosas do Hío e compoñente de Lina e Lola. Ademais, forma parte dos grupos de baile Trébede e O Viveiro de Peis d’hos.
Comeza dende moi nova a asistir a clases de canto e pandeireta e de baile tradicional na A.C. Lembranzas da Ría e no CEIP O Hío. Máis tarde continúa a súa formación na A.C. Peis d’hos, onde actualmente asiste a clases de canto e pandeireta, baile tradicional e acordeón.
Con As Mosas do Hío e Lina e Lola, ten participado e acadado numerosos premios en concursos de percusión e canto tradicional.
Suso Cancelas

Imagen:

Descripción:
Suso Cancelas é mestre de danzas do mundo.
Posúe o posgrao en Expresión Artística e Danza na Universidade de A Coruña (INEF). Comenza a súa formación co baile tradicional galego nas agrupacións “Casa do Mar” e "Breogán", de Moaña, e “Noso Tempo” de Santiago de Compostela. Continúa coa aprendizaxe de danzas tradicionais internacionais en diversos cursos e festivais en Europa como o Festival Interceltique de Lorient, na Willie Clancy Summer School en Irlanda, coa Royal Scottish Country Dance Society en Escocia e outros como o Festival Internacional de Danças Populares Andanças en Portugal e o Danzas Sin Fronteras en España.
Imparte clases na Asociación de Danzas do Mundo "Monteira" de Vigo, levando a cabo con esta asociación diversos cursos, festas e animacións de rúa. Ensina danzas do mundo en cursos de formación de profesorado en Galicia e para asociacións e eventos culturais en diversas localidades da península como a Asociación Ibérica de la Zanfoña en Móstoles, a Asociación de Danzas del Mundo Radalaila de Valladolid, no Festival Celta de Ortigueira, no Festival Internacional de Danças Populares Andanças en Portugal, na Escola Municipal de Danza de Vigo, no Festival Danzas sin Fronteras, na Festa da Reconquista de Vigo ou no Festival Intercéltico de Moaña.
Participa con Javier Jurado e Pilar Sampil na publicación do libro “De roda en roda. Músicas e danzas do mundo”, da Ed. Galaxia. 2013.
Eugenio Bajo

Imagen:

Descripción:
Eugenio Bajo Álvarez é guitarrista e profesor de guitarra.
Ten máis de 10 anos de experiencia impartindo clases, tanto individuáis como colectivas, a rapazada e alumnado adulto. Emprega un método fácil e intuitivo para aprender dende o inicio directamente co instrumento.
É un guitarrista con 30 anos de experiencia tocando en grupos de diferentes estilos musicais (blues, funk, rock, folk...) e colaboracións con outros grupos a nivel nacional: Dos Pelos Negros (teloneros entre outros de M-Clan, Fundación Tony Manero, Le Punk), Jit, Pandecroba, The Gorrillas Manoel Band, EntreRías, The Mamoon Show...
Óscar Cobos e Antía Barcia

Imagen:

Descripción:
Óscar Cobos é bailador e mestre de baile tradicional e de tango.
É Diplomado como Intérprete de Tango e Licenciado en Folklore -especialidade Tango- pola Universidad Nacional de las Artes (U.N.A), Buenos Aires-Argentina.
Alumno axudante da asignatura Interpretación Coreográfica de Tango I, Tango II e Tango IV, cátedra Rubén Suarez, nos anos 2015, 2016 e 2017; e Asistente de produción no Congreso Internacional de Tango nos anos 2013, 2014, 2015 e 2016; organizados pola Área Transdepartamental de Folklore (U.N.A.). Asistente de produción no Festival Cambalache nos anos 2015, 2016 e 2017 (Buenos Aires-Argentina); e da Compañía de Leonardo Cuello nos espectáculos “Santa Buenos Aires” no 2015, “Infinito Tango” en 2016 e “Inside Tango” en 2018 (Buenos Aires - Argentina). Participante no Mundial de Tango, categoría escenario, celebrado en Buenos Aires en agosto do ano 2017.

Antía Barcia é mestra e bailadora de tango.
Estudante da Diplomatura de Intérprete de Tango pola Universidad Nacional das Artes, (U.N.A), Buenos Aires-Argentina.
Ten feito talleres de Extensión de Técnica Femenina de Tango e de Extensión de Técnica de Partenaire; ambos da Área de Folklore da UNA.
Tamén ten recibido multitude de clases de “Tango Escenario”, “Tango Salón”, “Técnica a la carta”, “Música en los pies” e “técnica Feminina”, así como “extensión de Danza Contemporánea para principiantes”.

Xuntos participan en exhibicións de tango en “Milonga El Tacuarí” e no “Festival Metropolitano de Tango de Buenos Aires”, no 2018.

Escola

En Peis d'hos ofertamos clases de acordeón, baile tradicional, cantos populares, tradicionais e de taberna, gaita, pandeireta e canto tradicional e percusión tradicional. A maiores, como novidades para este curso, tamén ofrecemos as actividades de tango, linguaxe musical, harmonía, guitarra, circo, body weather, actividades para bebés, costura, danzas do mundo ou danza contemporánea. Estas actividades lévanse a cabo dende setembro ata xuño, ambos os dous incluídos.
Se tes interese nalgún dos cursos ou tes algunha dúbida ponte en contacto connosco.

Localización

As actividades impártense na Piscifactoría de Peis d'hos, no Local de Ensaio de Cimadevila (Cangas) e no local da Comunidades de Montes de Meira (Moaña).
¿Como chegar á Piscifactoría de Peis d'hos?
¿Como chegar ao local de Cimadevila?
¿Como chegar ao local de Meira?

Horarios

Actividade	Día	Hora	Grupo	Lugar
Acordeón	luns	18.00-19.00		Cangas
		19.00-20.00		Cangas
		20.00-21.00		Cangas
		21.00-22.00		Cangas
Baile tradicional	luns	19.00-20.00	adult@s	Cangas
	luns	20.00-21.30	adult@s	Cangas
	martes	17.30-18.30	infantil	Moaña
		19.15-20.15	adult@s	Cangas
		20.15-21.15	adult@s	Cangas
		21.30-22.30	adult@s	Cangas
	mércores	19.00-20.00	adolescentes	Cangas
		20.30-21.30	adolescentes	Cangas
		21.30-22.30	adult@s	Cangas
	xoves	18.30-19.30	infantil	Cangas
		19.30-20.30	infantil	Cangas
		20.30-21.30	adult@s	Cangas
	venres	20.00-21.30	adult@s	Cangas
Cantos populares, tradicionais e de taberna	sábado	17.30-19.00	adult@s	Cangas
Danza Contemporánea	luns	18:30-19:30	infantil	Cangas
Danza Contemporánea	luns	19:30-20:30	adult@s	Cangas
Danzas do mundo	martes	20.30-21.30	adult@s	Moaña
Gaita	mércores	21:00-22:00	adult@s	Moaña
	venres	16:00-17:00	infantil	Cangas
		18:00-19:30	adult@s	Cangas
		19:30-20:30	adult@s	Cangas
Guitarra	venres	17:00-18:00	infantil	Cangas
		18:00-19:00	infantil	Cangas
		19:00-20:00	adult@s	Cangas
		20:00-21:00	adult@s	Cangas
Linguaxe musical	luns	20:00-21:00		Cangas
Harmonía	luns	20:00-21:00		Cangas
Música e movemento	martes	17:15-18:15	de 3 a 6 anos	Cangas
Música e ritmo para bebés	martes	12:00-12:45	bebés e nais/pais	Cangas
Música e ritmo para bebés	martes	18:00-18:45	bebés e nais/pais	Cangas
Pandeireta e canto tradicional	xoves	20:00-21:00	adult@s	Moaña
	xoves	21:00-22:00	adult@s	Cangas
	venres	18:30-19:30	infantil	Cangas
		19:30-20:30	infantil	Cangas
		20:30-21:30	adult@s	Cangas
		21:30-22:30	adult@s	Cangas
	sábado	10:30-11:30	adultas	Cangas
		12:00-13.00	adolescentes	Cangas
		13:00-14.00	adultas	Cangas
Percusión tradicional	mércores	21:00-22:00	adult@s	Moaña
	venres	17:00-18:00	adult@s	Cangas
	venres	18:00-19:00	infantil	Cangas

Estes horarios están suxeitos a posibles cambios. Solicita información.

O Viveiro

O Viveiro é, por definición, un lugar onde se cultivan plantas novas para logo seren transplantadas ou ben un lugar, polo xeral no mar, nun lago ou nun río, ou, se non, nun gran depósito, onde se crían peixes, crustáceos, moluscos etc.

Pois iso mesmo é O Viveiro da A.C. Peis d’hos: un grupo formado na Escola Peis d’hos e que pretende cubrir ese óco entre a escola e unha agrupación de calidade, servindo de trampolín cara a esta e cubrindo así esa última etapa de aprendizaxe na formación previa a actuar en escenarios máis esixentes.

Trébede

A comezos do ano 2011 nace no Morrazo o grupo de música e baile tradicionais Trébede, froito da inquietude dun grupo de moz@s pertencentes a dúas asociacións xa existentes, aínda que co paso do tempo Trébede pasará a depender únicamente da A.C. Peis d'hos de Cangas do Morrazo.

A agrupación ten como principal característica a recompilación do patrimonio inmaterial da cultura tradicional galega para a súa posterior difusión e posta en escea. Deste xeito, todas as pezas que interpretan son froito do traballo de campo dos seus compoñentes, adicados dende hai tempo a recompilar todo este material e nel se basean todos os seus traballos e proxectos. O grupo está composto por membros procedentes maioritariamente da comarca do Morrazo (Marín, Bueu e Cangas), Pontevedra e Vigo, e está dirixido por Miguel Sotelo e María Vidal.

Cómpre destacar o seu proxecto audiovisual “Irei a Darbo”, levado a cabo en 2016. É salientable tamén a súa participación no Festival Interceltique de Lorient 2015, na bretaña francesa, representando a Galicia; nas Xornadas de Folclore de Santiago de Compostela en xullo de 2012, na Praza da Quintana, dentro da programación das Festas do Apóstolo; en concursos de baile tradicional onde acadaron diversos premios
así como en concursos de música tradicional nos que tamén conseguiron importantes galardóns; e en moitos outros escenarios ao longo da xeografía galega e da península ibérica.

Xornadas Etnográficas do Morrazo

As III Xornadas Etnográficas do Morrazo: música, baile, traxe e concienciación medioambiental levaranse a cabo do 1 ao 11 de setembro de 2021 no Morrazo. Trátase dun proxecto promovido pola Mancomunidade do Morrazo (conxuntamente entre os concellos de Bueu, Cangas e Moaña) e consta de:

- De MÉRCORES 1 a SÁBADO 11 de setembro:

* exposición sobre a gaita, pola Deputación de Pontevedra, no Alto da Praza de Abastos (Bueu). Inauguración da exposición o mércores 1 ás 20:00h.

* exposición fotográfica “rituais en Galicia”, de Roberto de la Torre, no Centro Social do Mar (Bueu). Inauguración da exposición o mércores 1 ás 20:30h.

- De MÉRCORES 1 a LUNS 6 de setembro:

* exposición do traxe tradicional de Lugo, por Traxandaina, na Capela do Hospital (Cangas). Inauguración da exposición con visita guiada o mércores 1 ás 20:00h. Horarios: de 11:00h a 14:30h e de 19:00h a 21:30h.

- VENRES 3 de setembro:

* charla “O mundo dos hórreos”, por Carlos Roberto De Pacho, na Casa do Pobo de Beluso (Bueu), de 20:30h a 21:30h.

- SÁBADO 4 de setembro:

* Exposición e demostración do oficio oleiro, por Alén das Olas, no Alto da Praza de Abastos (Moaña), de 11:00h a 13:30h.

* Documental “Dorothé na vila”, de Olaia Tubío e Alejandro Gándara, no Auditorio de Cangas, de 20:30h a 22:00h. Presentación e coloquio.

- DOMINGO 5 de setembro:

MOSTRA ETNOGRÁFICA DO MORRAZO

* desfile do traxe tradicional galego, a cargo da Asociación Etnográfica Sete Espadelas, ás 20:30h no Paseo Marítimo (Moaña).

* actuacións das agrupacións Donaire, Trébede e A Buxaina, ás 21:00h na Paseo Marítimo (Moaña).

- De LUNS 6 a SÁBADO 11 de setembro:

* exposición “Tecendo a natureza” (cestería de madeira), por Enrique Táboas, no Alto da Praza de Abastos (Moaña). Inauguración da exposición o luns 6 de setembro ás 20:00h.

- MARTES 7 de setembro:

* charla sobre árbores senlleiras de Galicia, por Gaspar Bernárdez, no Salón de Plenos do Concello de Cangas, de 20:30h a 21:30h.

- XOVES 9 de setembro:

* charla sobre o Entroido de Cobres, por Anxo Rosales, na Casa do Pobo de Beluso (Bueu), de 20:30h a 21:30h.

- VENRES 10 de setembro:

* obradoiro de canto e pandeireta, por Xisco Feijóo, de 20:30h a 22:00h, na Piscifactoría de Peis d’hos, en Cangas.

- SÁBADO 11 de setembro:

* obradoiro de bordado ao aire, por Bego Martínez, de 11:00h a 13:30h no Torrecino en Cela (Bueu).

* obradoiro do baile na Limia, por Olga Kirk, de 17:00h a 18:30h, na Piscifactoría de Peis d’hos, en Cangas.

* obradoiro de tarrañolas por Antonio Prado, de 17:00h a 18:30h. na Casa da Música en Bueu.

* obradoiro de castañolas por Artur Puga, de 19:00h a 20:30h, na Piscifactoría de Peis d’hos, en Cangas.

* obradoiro de ornamentación para gaita por Lucía Eiros, de 19:00h a 20:30h. no Alto da Praza de Moaña.

* FOLIADA de clausura das Xornadas Etnográficas do Morrazo, a partir das 21:00h. no Adro de Darbo (Cangas).

Actividades de verán

En Peis d'hos ofertamos unha serie de actividades lúdicas e formativas durante o verán, destinadas a nenos e nenas de idades comprendidas entre os 5 e os 14 anos, coa intención de que os nenos aprendan e se relacionen coa nosa cultura e coa música e baile tradicionais dun xeito distendido. Pretendemos dar unha atención personalizada a cada participante, polo que hai límite de prazas.
Estas actividades lévanse a cabo no mes de xullo repartidas en dúas posibles quendas, ou ben todos os luns e mércores ou ben todos os martes e xoves, de 10h. a 13:30h.

Actividades

xogos
baile tradicional
escultura
canto
pandeireta
confección de bonecos
percusión
pintura
traxe tradicional

Localización

As actividades de verán impártense no Local de Ensaio de Cimadevila (Cangas).
¿Como chegar?

Colaboradores

Socios protectores

Grupo Acega

Rúa Méndez Núñez, 36 - 3ºA 36940 Cangas

986 39 21 45

info@grupoacega.com

Asesoramento fiscal, laboral, contable, financieiro e xurídico. Contan cunha dilatada experiencia na xestión e asesoramento de asociacións.
Inmobiliaria Lares

Rúa do Sol, 19 - 36940 Cangas

986 32 99 75

info@lares.gal

Se buscas unha inmobiliaria non o dubides, en Lares atoparás unha opción inmellorable, con grandes profesionais e, sobre todo, con moi bo gusto! E sempre dispost@s a axudarte e asesorarte!
Librería Miranda

Rúa Pazos Fontenla, 35 - 36930 Bueu

986 32 05 04

pedidos@libreriamiranda.gal

En Librería Miranda toparás co teu libreiro de confianza, cun trato moi cercano e sempre disposto a axudarche en todo o que precises. En Bueu, onde ía ser?
Mares de Galicia

Depuradora Vilanova, s/n - 36984 Cangas

986 39 10 08 / 986 83 80 49

Empresa adicada á elaboración e comercialización de mariscos frescos e elaborados, inspirada nas máximas de calidade e bo facer. Conta cunhas oficinas no porto pesqueiro de Marín e unha depuradora de moluscos e centro de expedición, Cultivos Marinos Vilanova S.L., en O Hío (Cangas).
Chinchorro

Avenida José Graña, 38 - 36940 Aldán, Cangas

618 14 90 50

Cociña sinxela, con productos de temporada, para degustar nun entorno tranquilo e con vistas á marabillosa ría de Aldán. Platos onde prima a calidade dos productos galegos. Todo elaborado con aceite de oliva virxen extra. Para chuparse os dedos, quererás repetir!
Anantia Mobel

Estrada da Magdalena, 86 - 36940 CANGAS

986300361

info@anantiamobel.com

Anantia Mobel é unha empresa onde poderás atopar os mobles que buscas, deseñan cociñas e ademáis fabrican a medida. Visítaos!
Burguer Piscis

Calvar, 26 - 36957 Domaio, Moaña

986 32 70 04

Hamburguesería e bocatería con gran tradición e fama na localidade, caracterizada pola calidade dos seus pratos e polo trato cercano con todos os clientes, cun ambiente tranquilo e familiar. Podes atopar gran variedade de hamburguesas, bocadillos ou pratos, cociñados cos mellores productos do mercado. Ademáis, contan con menú do día, servicio de recollida e comidas por encargo.
Instalacións Parcero

Daniel Castelao, 61 bajo - 36950 Moaña

986 31 55 33

info@instalacionsparcero.es

É unha empresa fundada en Moaña no ano 1999, contan cunha amplia experiencia en todo tipo de instalacións de electricidade, fontanería, calefacción, climatización, enerxías renovables, etc. Se precisas un instalador autorizado, non o dubides, contacta con eles sen compromiso!
Inmobiliaria Casa Roja

Rúa Nova, 1 - 36940 Cangas

986 09 86 33

Se buscas unha inmobiliaria non o dubides, en Casa Roja tes unha moi boa opción, con grandes profesionais ao teu servicio agardando por ti! Inmobiliaria Casa Roja é unha das principais empresas de servicio integral inmobiliario na zona do Morrazo.
O Forno de Juan

Rúa Ferrol, 3 - 36940 Cangas

986 13 48 32 / 665 49 76 42

Panadería-cafetería. Pan, empanadas, empanadas veganas, tartas, croissants, bolaría fresca, caracolas, donuts, troncos de chocolate, larpeiras, roscóns, tortas de nata, capuccinos, café vienés, café irlandés, biscoitos, rosquillas, tartas de chocolate, tartaletas... e con zona de cafetería para degustar o teu dulce. En definitiva, un lugar onde tomar os teus mellores desaiunos e moito máis!

Socios colaboradores

O Forno

Rea Real, 58 - 36940 Cangas

637 75 70 47

O mellor pan da comarca. Contan cun gran equipo humano baixo a dirección do mestre Pablo, que poñen todo o amor en cada cousa que fan, sexa pan artesanal, repostería ou creación innovadoras nas que o elemento natural e ecolóxico forman un papel fundamental.
La Pelu

Avenida de Marín, 20 baixo - 36940 Cangas

986 30 13 43

lapelu.cangas@gmail.com

Peluquería unisex en Cangas cunha amplia variedade de servicios: cortes, peiteados, manicura, peiteados para festas, noivas, maquillaxe, comunións, tratamentos, etc. Avalada pola súa dilatada traxectoria no sector, dende 1991.
SaúdeSport

Avenida de Lugo, 49 - 36940 Cangas

886 09 19 52

Clínica de Fisioterapia Deportiva cun gran equipo profesional! Empregan diferentes técnicas de Fisioterapia e Osteopatía, combinadas con Pilates/RPG/Entrenamento funcional/Hipopresivos que integran na Readaptación Postural Hipopresiva, na Readaptación Física Personal e en "CrossClinic". Además, contan con profesionais externos de Traumatoloxía, Podoloxía e Nutrición.
Tecnosat

Montero Ríos, 18 - 36940 Cangas

986 30 70 12 / 622 71 18 19

tecnosatshop@tecnosatshop.es

En Tecnosat adícanse á reparación e venta de telefonía e informática e, ademáis, personalízanche a funda do teu móbil coa foto que ti queiras. Sonche moi eficientes!
Rosa Mariño - Herbalife

Outeiro de Balea, 29 - 36949 Cangas

605 22 58 88

rosa.marino.ventosinos@gmail.com

Se buscas un cambio de hábitos ou pautas nutricionais, se necesitas máis enerxía, baixar de peso ou mellorar a túa composición corporal... non o dubides, contacta con Rosa! Darache un asesoramento gratuito!
Namelaka

Praza do Arco, 2 - 36940 Cangas

722 66 39 37

ruben.namelaka@gmail.com

Namelaka é unha xeadería conceptual que rompe con todas as regras establecidas do que ten ou debe ser un xeado. Os seus xeados son desafiantes e disruptivos, sabores novos, texturas perfectas, irreverentes, atrevidos, máis e mellor.
Montajes Fuentes

Camiño da Choupana nº15 - 36949 Cangas

607 11 36 32 / 986 30 53 31

montajes.fuentes@gmail.com

Se tes algún problema coa fontanería, electricidade, calefacción ou enerxías renovables, ou ben queres facer unha obra, non o dubides, Montajes Fuentes é a túa opción!
Xoiería AR

Pablo Iglesias, 18 - 36940 Cangas

617 64 03 77

joyeriaangelcangas@outlook.es

Xoiería en Cangas, productos e precios para tod@s. Tamén teñen taller, reparacións, pezas novas... a túa xoiería de confianza!
Construccións Piñeiro

Calle Xoan Piñeiro, 2, 36945 Nerga

637 55 89 33

Para calquera tipo de obra, reforma ou o que precises, non o dubides, con Construccións Piñeiro estarás en boas mans!!
Peluquería Joara

Avenida de Marín, 16 bajo - 36940 Cangas

986 30 09 22

hermelovidal@gmail.com

Bo salón de beleza cun servicio profesional de calidade e unha gran variedade de servicios. Crean tendencias para ti!! Salón autorizado en ALFAPARF e NIOXIN.
O Carlete

Rúa David Cal, 13, 36945 Vilariño

986 32 87 44

Fantástico bar no que tomar algo ou comer moi ben, con bo servicio e moi bo ambiente, ao pé da praia de Vilariño. Na mellor compañía, dende 1977.
Celia Alimentación

Manuel Graña, 13 - 36940 Cangas

616499418

Tenda de alimentación cos mellores productos, as mellores froitas e hortalizas frescas da casa, cultivadas con todo o cariño do mundo. E a mellor atención tamén, sempre cun sorriso na cara!
Martinnus Tapería

Avenida Eduardo Vincenti, 6 - 36940 Cangas

986 30 34 83

martinnustaperia@gmail.com

Bo ambiente e unha deliciosa variedade na carta. Moi bo gusto tanto no cociñar, na estética como no trato persoal agradable coa clientela.
Lokal Burguer & Beer

Rúa Ferrol, 12, 36940 Cangas, Pontevedra

886 29 27 27

Hamburguesas artesanais feitas con carne galega da mellor calidade e pan feito no local, bocadillos, entrantes, salsas caseiras e cervexas artesanais. Servicio de reparto a domicilio. E todo cunha coidada estética e respecto ao medioambiente. Téñeno todo!
Gasdoca S.L.

Avenida de Bueu, 1 - 36940 Cangas

986 30 12 89

gasdoca@gmail.com

Gasolinera céntrica, aberta ata as 24:00h. e co mellor precio nos carburantes!
Espacio SEM

Avda. de Bueu, 13 - 36940 Cangas

615 26 53 10

Osteopatía integral e terapias naturais. Ante calquera tipo de doenza física, xa sexa muscular ou tensional, acude a Espacio SEM, estarás en boas mans!
La Böcöque

Rúa San José, 50 Baixo - 36940 Cangas

695 522 475

hola@labocoque.com

La Böcöque é sinónimo de coleccións de roupa que nunca pasan de moda, de produción ética e sostible e de prendas creadas por e para mulleres valentes. Date unha volta pola súa web. Atoparás un variado catálogo de artigos para todos os gustos con deseños coquetos, pero tamén cómodos e resistentes, para que te acompañen en cada unha das túas aventuras. Sen dúbida, convertiranse no teu fondo de armario perfecto.
Irisar Deseño e Impresión

Rúa San Xosé, 11 - 36940 Cangas

986 39 26 60

irisar@irisar.es

Uns artistas no deseño e moi profesionais nas impresións. Se tes calquera encarga relacionada coas artes gráficas e/ou a impresión, non dubides en contactar con eles, resolverán da mellor maneira e con moi bo resultado.
Ailaleo!

Avenida de Galicia, 9 - 36940 Cangas

687174893

ailaleocangas@gmail.com

O teu centro de logopedia, terapia ocupacional, psicopedagoxía...
Electrodomésticos Moisés

Fragata Lealtad, 1 - Moaña

986 310 764

electrodomesticos_moises@hotmail.com

Tenda de electrodomésticos en Moaña, para todo o que necesites acude a Moisés e el saberá darche o que precises!
Dedalusnet

contacto@dedalusnet.com

Se precisas facer unha páxina web, non o dubides, Dedalusnet é unha magnífica opción! É un pequeno estudio de desarrollo web ubicado en Moaña. En cada proxecto que desenvolven buscan sentirse parte do cliente, entender ben a súa política e ter os mismos obxectivos, isto fai que acaden uns resultados que rozan á excelencia. Tamén se encargan de landings, intranet/extranet, correo electrónico, análise de presenza en internet, tenda online, presenza en redes sociais, etc.
Centro Óptico Cangas

Xosé Félix Soage, 3 - 36940 Cangas

986 30 31 80

centro_opticocangas@yahoo.es

Non xogues coa túa vista, pásate polo Centro Óptico Cangas e ponte en mans de profesionais, estarás en boas mans!
Cafetería Real Club Náutico Rodeira

Avenida de Bueu, 1 - 36940 Cangas

Restaurante situado no Real Club Náutico Rodeira de Cangas. Dispoñen dunha amplia carta e menú do día. Fan desaiunos, comidas e ceas por encargo para grupos, ademais de actuacións en directo. E teñen dúas terrazas exteriores amplias, con vistas ao mar, e conexión a internet para os clientes.
Laura Lago Belleza y salud

Praza do Progreso, 7 baixo - 36940 Cangas

986 30 27 50

lauralagogonzalez@hotmail.com

Centro de estética que ofrece un trato persoal e profesional acreditado con titulacións oficiais e cursos actualizados con ampla experiencia no coñecemento da pel, tratamientos faciais e corporais, depilación co fio, láser, pedicuras e manicuras semipermanentes, masaxes, dietética e todo o referente á dedicación do coidado do corpo. Ponte nas súas mans!
Imprime verde

Rúa Nicaragua, 49 - 36204 Vigo

886 142 380

hola@imprimeverde.com

Imprime verde é un centro de impresión de gran formato e fine-art responsable, no que a calidade dos seus produtos van da man do respeto ao medio ambiente.
O Colmado de Marujamaría

Rua Real 24 - 36940 Cangas

886 09 50 61

Tenda a granel. Marujamaría é unha tenda de regalos «gastronómicos, cosmética ecolóxica e artesanía». O seu eixo central é poñer en valor os excelentes productos das nosas terras, o traballo artesán e o bo facer das pequenas empresas.
Canwash Lavandería

Rúa Baiona, 22 - 36940 Cangas

633 79 64 12

tatianagarcia@canwashlavanderia.com

Lava e seca edredóns, mantas, cortinas e colada persoal, cos mellores productos e a un módico precio!
Mama Rous Tapas e Pintxos

Avda. de Ourense, 13 Baixo - 36940 Cangas

886 30 97 54

Tapas e pinchos variados, boa atención, ambiente agradable, tranquilidade e... voltarás, porque sairás de alí con ganas de repetir!
Clínica Dental Martínez Menduíña

Rúa Colón, 3 baixo - 36940 Cangas

986 30 21 67

mmdentalslp@gmail.com

Implantoloxía oral, ortodoncia, prótese dental, estética dental, ciruxía oral, periodoncia, blanqueamentos dentais... se precisas unha clínica dental, aquí tes unha moi boa opción!